Xoves 8 de xuño de 2023
Actividade: Día do Medio Ambiente
Hora: Dende as 17.00
Lugar: Paseo de Xuvia (inmediacións do parque infantil)
O Concello desenvolverá hoxe xunto coa asociación de Tempo libre Croio os actos do Día do Medio Ambiente, con varios obradoiros abertos á cidadanía en xeral e unha plantación de árbores autóctonas a partir das 18.00 horas.
Venres 9 de xuño de 2023
Actividade: Presentación do libro “El tren de la poesía”
Hora: 18.30
Lugar: Biblioteca municipal (sala multiusos da planta soto)
A escritora Maite Gascón presentará o seu libro na Biblioteca, unha publicación orientada a espertar o gusto pola poesía nos menores de entre 6 e 8 anos. A convocatoria está aberta á cidadanía en xeral.
Actividade: Ciclo de conferencias do programa de Prevención da depresión e mellora da saúde mental
Hora: 19.30
Lugar: Centro Comunitario Manuela Pérez Sequeiros
A médica psiquiatra Teresa Velasco e o psicólogo clínico Ricardo Vázquez falarán sobre “Psicoloxía e psiquiatría, diferenzas e traballo conxunto”. O Concello organiza esta convocatoria, que remata este mes.
Actividade: Andaina solsticial no Val
Hora: 22.30
Lugar: Saída do convento de Baltar (O Val)
A programación de actos da Recreación da Lenda da Fada da Pena Molexa levarase a cabo na parroquia do Val dende hoxe, cunha andaina solsticial onde os participantes realizarán un percorrido que iluminarán con fachos. Organiza o Concello de Narón, a través do Padroado da Cultura, en colaboración coa AVV Os Irmandiños do Val.
Sábado 10 de xuño de 2023
Actividade: Raid Cidade de Narón
Hora: De 10.00 a 19.00
Lugar: Saída do paseo de Xuvia
O Concello e o Club Gallaecia Raid organizan esta convocatoria, que consistirá nunha carreira a pé, en bicicleta de montaña, patíns e kayak.
Actividade: Roteiro cicloturista pola parroquia do Val
Hora: Saída ás 11.00 horas
Lugar: Centro Cívico Social do Val
A programación das lendas da Lendas da Pena Molexa inclúe esta actividade, aberta á participación da cidadanía en xeral e que non precisa de inscrición previa.
